Ginmuno ni Senator Grace Poe sa tagdumalahan sang Ninoy Aquino International Airport kag Iloilo International Airport nga kaayuhon man ang air conditioning systems bangud tuman na nga daan ang init subong nga mga binulan.
Ginhingyo man sang nasambit nga senadora nga amo man ang chair sang Senate Committee on Public Services nga kaayuhon man sang nasambit nga mga paluparan ang guba nga mga elevators bangud nagatuga ini sang huol sa mga pasahero.
“Sa bawat airport, gusto nating bigyan ng warm welcome ang bawat biyahero. Naging literal naman yata ang ‘warm’ sa NAIA at Iloilo airport dahil parang pugon daw sa init ang loob nito dahil sa sirang aircon,” pahayag pa ni Poe sa iya nga statement.
Gusto man sini mahibaluan kun gingamit gid man sa repairs kag maintenance ang P190-million nga ginpain sa 2024 budget para sa Iloilo airport.
Kaangot diri, nagpahayag naman si Senate President Juan Miguel Zubiri nga maga-file ini sang resolution para makapatigayon sang inquiry sa nasambit nga mga isyu. Kinahanglan suno sa iya ang transparency kag accountability pag-abot sa isyu sa mga airports.
“There must be some sort of you know, transparency, accountability, pagdating dito sa mga airports natin. Siguro I don’t want to say incompetent ang mga officials but they have to work double time,” pahayag sang Senate president.
