Nagpaguwa sang statement ang Commission on Human Rights (CHR) kun sa diin ginpabutyag sini ang kahangawa kag pagka-alarma sa isa ka ordinansa sa isa ka barangay sa Bangued, Abra kun sa diin nakasaad nga “death penalty” ang silot sa tawo nga makakomiter sang ikatatlo na nga offense kaangot sa iligal nga paghaboy sang basura.
Suno sa ahensya, ini nga ordinansa ang wala nagatahod sa tawhanon nga kinamatarong partikular ang kinamatarong nga mabuhi.
“This ordinance not only represents a severe disregard for human rights but also trivializes the most fundamental right of all–the right to life,” kabahin sang statement sini, Mayo 18.
Importante ang husto nga waste management suno pa sa agensya, apang ang kaangay sini kapintas nga direktiba ang wala naga-solbar sa problema kundi nagapalala lamang sang sitwasyon sa komunidad.
“While we recognise the importance of proper waste management and ordinances that will improve residents’ waste disposal practices within their communities, such cruel directives and offenses does not address the problem, instead, it only perpetuates confusion, perplexity, and distress among the constituents,” dugang pa sang ahensya.
Ini nga ordinansa ang ginpatuman sa Calaba sang nagligad nga Pebrero.
Nakabutang sa tarpaulin nga multahan sang P1,000 ang maglapas sa ordinans sa una nga tion; P1,000 kag walo ka oras nga community service para sa second time violators; kag tiruhon naman ang third time offenders.
“The Commission urges everyone, particularly local leaders and people in power, to refrain from making light of such sensitive topics. The right to life is a fundamental human right that must be respected and protected at all times,” base pa sa statement sang CHR.
Antes ang statement sang CHR, nagmandu na ang alkalde nga dagdagan sang 90 ka adlaw nga preventive suspension ang punong barangay, lima ka barangay kagawad, kag isa ka Sangguniang Kabataan chairperson bangud sa kaso sang grave misconduct, grave abuse of authority, gross neglect of duty, gross dishonesty kag conduct prejudicial to the best interest of the service by the Sangguniang Bayan.
Nahibaluan ang wala ginatugutan ang death penalty sa Pilipinas sa idalom sang Article III, Section 19 (1) sang 1987 Constitution.#
