SPAIN – Nagdangat na sa masobra sa 9,000 ang death toll sang Coronavirus Disease 2019 sa Spain.
Ini matapos nga ma record ang 864 deaths sa sulod lang sang 24 ka oras.
Sa subong, ginakabig na nga ika-duha nga may pinaka mataas nga death toll sang COVID-19 ang Spain nga nagapangduha sa Italy.
Sa pihak sini, naghinay naman ang death rate sang nasambit nga balatian sa Spain sang 10.5% gikan sa 27% sang gintalikdan lang nga semana.
Nagapabilin naman nga pinaka apektado nga rehiyon sa nasambit nga pungsod ang Madrid nga may yara sang 3,865 ka mga napatay kag halos 30,000 naman ang kumpirmado nga kaso.
