ILOILO – Ginmanduan ni Iloilo Governor Arthur Defensor Jr. ang pulis kag local task forces pati na sa mga barangay nga istrikto nga i-monitor ang pagpatuman sang mas hugot nga mga pagsulundan sa probinsya batok sa COVID-19.
Sa memorandum order nga ginpagwa subong nga Mayo 20, ginpatpat ang mga minimum public health standards sa salakyan, religious gatherings, merkado, kag mga ulubrahan agud nga malikawan ang paglaton sang virus.
Sa religious gatherings:
- 30% lang sang venue ukon seating capacity ang ginapahanugutan
- two-meters apart ang distansya sang mga tawo kun magpungko
- may marka ang mga pulungkuan ukon mga ginalinyahan agud nga masunod sang husto ang social distancing
Sa mga merkado kag iban pa nga kaangay nga establisemento:
- Mandatory ang pagsuksok sang face mask KAG face shield sa sulod kag palibot sang merkado publiko
- Dapat nga may yara sang disinfectant
- Suspendido ang scheduled market days sa local government units
- Dapat nga may clustering sang barangay para sa mahimo makasulod sa public market kada adlaw
- Dapat nga may yara sang decontamination procedures sa public market
Sa pagbyahe sang mga pasahero:
*Sa traysikad ukon pedicab, isa lang ka pasahero ang pahanugutan.
*Sa motorsiklo, isa lang ka angkas ang pahanugutan.
*Sa traysikol, isa lang ka pasahero sa side-car ang pahanugutan.
*Sa mga jeep, bus, kag van, one seat apart ang mga pasahero, dapat nga may barrier sa tunga sang mga pasahero, isa lang ka pasahero ang pahanugutan sa tupad sang driver, kag ginadumilian ang standing passengers.
*Sa mga bangka, one seat apart ang mga pasahero.
*Sa mga taxi, isa lang ka pasahero ang ginatugutan sa tupad sang driver, duha ka pasahero sa likod, kag dapat nga may barrier sa tunga sang driver kag pasahero.
- Sa iban nga pribado nga mga salakyan, one-half sang seating capacity ang ginapahanugutan; isa lang ka pasahero ang ginatugutan sa tupad sang driver.
Ang mga driver, konduktor/crew, kag pasahero ang ginamanduan nga magsunod sa mga masunod:
*pagsuksok sang face mask kag full-coverage face shield
- pagsunod sa 3Ps strategy ukon pag-dumili sa pagkaon, pag-istorya, kag pag-gamit cellphone.
Sa mga establisemento kag ulubrahan:
- No Face Mask, No Entry
- Indi pagtugutan nga makasulod ang may sintomas sang COVID-19
- Kinahanglan ang personal hygiene procedures sa entry kag exit sang establisemento
- Kun kinahanglanon sa work conditions, dapat nga may PPEs nga ihatag sa staff ukon workers
- Kinahanglan nga may wash areas kag may regular nga disinfection sa lugar-ulubrahan
- Dapat nga may full-time Occupational Safety and Health Officer nga i-designar ang management agud nga ma-monitor ang pag-obserbar sang minimum public health standards.
Required man ang pag-patrolya kag inspeksyon sang local task forces.
Effective immediately ang amo nga mga pagsulundan.
