Gin-report sang Philippine Egg Board Association (PEBA) ang pagsaka sa demand sang itlog.
Gin-angot ni PEBA President Francis Uyehara ang paglain sang consumer preference sa nagkalain-lain man nga economic factors.
Ginpahayag sini nga una nagsaka ang presyo sang karne sang baboy bangud sa epekto sang African swine fever (ASF) gani nga nagsaylo ang mga tawo sa pagkaon sang manok. Apang sa una nga quarter sang tuig, nagtaas naman ang presyo sang manok, gani nga nagsaylo naman ang mga tawo sa itlog.
Sa tunga sang pagsaka sang demand, may nakit-an naman nga mga problema sa presyuhanay kag kadakuon sang mga itlog sa nagkalain-lain nga mga mercado, bangud may iban nga mga manugbaligay nga gina-manipula gid ang egg sizes agud mapatalang ang manugbakal.
Ginahungod man suno sa natungdan nga wala sang label ang mga itlog, gani ang magagmay ginabutang sa medium-sized.
Bangud sini, nagapanawagan si Uyehara sa mga consumer nga indi man magpadala-dala gilayon kag ipamangkot gid ang presyo kag bug-at sang itlog antes baklon.
