ILOILO CITY- Target sang Department of Agriculture nga mahilway na sa African swine fever (ASF) ang pungsod sa pagtakop sang tuig.
Ini may kaangtanan sa ginapanan-aw nga vaccine rollout subong nga quarter.
Suno kay Agriculture Secretary Francisco Tiu Laurel Jr., ang bidding para sa bakuna ang gina- finalize na kag ginalauman nga handa na ini sa Agusto.
Pahayag niya, nagahimo na sila sang terms of reference kag sa masunod nga bulan, ini ang preparado na para sa bidding kag awarding sa Septyembre kag pagasundan naman sang rollout.
Sa subong, may yara lang sang isa ka accredited anti-ASF vaccine halin sa isa ka firm sa Vietnam.
Dugang ni Tiu Laurel, ang six-month trial ang patigayunon kag kun wala sang problema, aprubahan ang bakuna para sa commercial use.
