Nag-isyu sang warning ang Department of Education (DepEd) batok sa peke nga mga scholarships nga ginapangtanyag kag subong nagalapta na sa social media.
Suno sa ahensya, ini nga posts ang iligal nga nagagamit sang seal sang DepEd kag picture ni Education Secretary kag Vice President Sara Duterte.
Ini nga scholarship posts ang naga-target sa mga ginikanan kag kabataan.
Ginpahanumdom man sa mga ginikanan nga indi gilayon pag-ihatag ang mga school information kag identification sang mga kabataan sa sini nga mga posts agud nga indi man makompromiso ang ila nga seguridad.
Nagpanawagan man ang ahensya sa publiko nga mangin vigilante kag magbantay gid batok sa sala nga mga impormasyon.
