Ginkumpirma ni former COA-ICFAO state auditor Roderick Wamil nga wala sang ginpasa nga dokumento ang Department of Education (DepEd) para suportahan ang P9,375,000 confidential funds sini para sa counter-insurgency programs sa una nga quarter sang 2023.
Suno kay Wamil, sa amo nga programa, ginalauman nga malikawan ang pagpang-recruit sang NPA kag iban nga komunista nga grupo sa mga manunudlo kag mga estudyante.
Pahayag ni Wamil, wala sang ginhatag nga listahan sang mga ginatumod nga rebelde nga grupo ang Department of Education agud pamatud-an ang amo nga programa.
Wala man sang ginpasa nga dokumento ang Department of Education (DepEd) kaangot sa confidential funds nito para sa “abuse prevention and control within schools.”
Base sa mga dokumento sang Prosekusyon, nagpain sang P10,000,000 confidential funds and DepEd para sa nasambit nga programa sa una nga quarter sang 2023; P10,075,000 sa second quarter; kag P10,125,000 sa third quarter.
Suno kay Wamil, wala sang ano man nga listahan ukon dokumento nga ginpasa ang DepEd sa idalom sang pagpamuno ni VP Sara Duterte.
