ILOILO – Nagapabilin nga naka hightened alert ukon naka alerto ang bug os nga pwersa sang Department of Health sa posible nga pagsulod sang virus nagikan sa isa ka misteryoso nga sahi sang Pneumonia nga nagikan sa Wuhan, China.
Sa interview sang Bombo Radyo kay Dr. Mary Jane R. Juanico, Child Health Program Medical Coordinator sang Department of Health 6 iya ginpahayag nga apisar wala pa sang nakasulod nga kaso sang nasambit nga virus sa Pilipinas padayon nga naka alerto ang ila nga talatapan kaupod man ang Bureau of Quarantine sa pagbantay sa mga paluparan kag dulungkaan.
Suno kay Juanico, gilayon nga magpakonsulta sa doktor kun nakabatyag sang mga simtomas sang regular nga Pneumonia kaangay nalang sang pagsakit sang ulo, hilanat, ubo kag sip-on ilabi na kun ikaw ang nakabisita sa China sang damlag lang.
Dugang sang natungdan, sa tion nga may makasulod nga carrier sang virus gilayon ini nga igapaidalom sa quarantine agud indi na maglapta pa.
Nagpanugyan ang doktor nga kun mahimo, likawan nga magkadto sa mga matawo nga lugar kag kun malain ang pamatyag siguraduhon nga imentenar ang katinlo ilabi na kun naga ubo kag naga sip on.
