Nagrekomenda ang Department of Health (DOH) sang travel restrictions sa mga pungsod nga may bag-o nga strain sang COVID-19 nga amo ang ginalantaw sang mga eksperto nga mas makalalaton.
Suno kay Department of Health Undersecretary Maria Rosario Vergeire, magasapol ang Inter-Agency Task Force on Emerging Infectious Diseases para sa mga bag-o nga pagsulundan agud malikawan sang pungsod Pilipinas ang bag-o naman nga coronavirus strain.
Ginpahayag pa sang nasambit nga ahensya sang gobyerno nga kaupod ang World Health Organization, padayon nila nga ginamonitor ang mga pungsod nga may narekord nga mga kaso sang bag-o nga strain sang virus nga ginapatihan naghalin sa United Kingdom.
Lakip sa mga lugar nga may yara sang bag-o nga strain amo ang Hong Kong, Singapore kag Australia.
Nahibaluan nga subong, wala pa sang may narekord nga kaso sang bag-o nga strain sang virus sa Pilipinas.
