Nagpangabay ang Department of Health (DOH) sa publiko nga likawan nga maglahog kaangot sa balatian, kamatayon, kag anuman nga physical kag mental condition subong nga Abril 1 nga kilala man bilang April Fools’ Day.
Ginpaagi ni Health Secretary Ted Herbosa ang hingyo sa microblogging platform nga X kun sa diin nag-apelar ini sa mga tawo nga pilion ang “considerate and wholesome fun” ukon pagsadya-sadya nga may kunsiderasyon gihapon sa isigkatawo.
“The Department of Health acknowledges that in many cultures, the first day of April is often called April Fool’s Day—a day when there is an outbreak of pranks or jokes,” pahayag sini.
“First, do no harm. The DOH urges all would-be pranksters to please avoid jokes related to illness, disease, and other physical or mental conditions, most especially about the loss of life. Doing so adds to stigma we want less of,” dugang sang tiglikom.
Bilang pag-upod sa kinaandan nga obserbasyon sa imbukada nga adlaw sang Abril, nagtamyaw man si Herbosa: “Always be kind to each other, and please have a Happy April Fool’s Day!” #
