Nagpasalig ang Department of Labor and Employment nga may yara na sang natalana nga P2 bilyon nga pondo gikan sa Department of Budget and Management agud masugudan na ang cash aid program para sa mga empleyado nga apektado sang lockdown bangud sa Coronavirus Disease 2019.
Suno kay Department of Labor and Employment Asec. Dominique Tutay, may yara na sang 74,000 nga mga empleyado gikan sa formal sector nga natalana nga magabaton sang P5,000 paagi sa ila nga payroll ukon remittance.
Ginalauman naman nga sa Abril 7 halos 48,850 nga mga informal workers nga nakabaton sang trabaho gikan sa local governments ang makabaton sang ila nga payout nga naka depende sa average regional minimum wage.
Dugang sang natungdan, 25,428 man sa formal sector worker kag 5,220 gikan sa informal sector ang nakabaton na sang cash aid.
