Dragon Boat Festival, nangin madinalag-on

𝗜𝗟𝗢𝗜𝗟𝗢 𝗖𝗜𝗧𝗬 – Nangin madinalag-on ang ginpatigayon nga Iloilo River Dragon Boat Festival 2024.

Ini ang nag-umpisa sang Nobyembre 22 kag nagtakop subong nga adlaw, Nobyembre 24.

Suno kay former Senate President Franklin Drilon, ini nga kahiwatan ang nagapakita sang sportsmanship, kultura, kag environmental advocacy.

Ginpahayag sini nga sa 12 ka tuig na ang nagligad humalin sang gin-umpisahan ang Dragon Boat Festival sa diin mas naganami pa gid ini kada tuig.

Tungod sini, himuon na ini nga isa ka annual event.

11 naman ka mga elite teams halin sa Luzon, Visayas, kag Mindanao ang nagpasakop sa aktibidad.

Ang Dragon Boat Festival subong nga tuig ang nagasanto naman sa Year of the Dragon.

Lakip man sa mga side events amo ang environmental symposium, trade fair and exhibition, food festival, river cleanup, kag “Hala Bira! Bugsay”.