PAVIA, ILOILO – Nakaangkon sang minor nga pilas sa lawas ang driver matapos nagbaliskad ang ginamaneho nga armored car sa Brgy. Ungka 1, Pavia, Iloilo.
Sa interview sang Bombo Radyo kay Rommel Marte, driver sang nasambit nga armored car, iya ginpahayag nga naghalin siya sa Kalibo sang natabo ang insidente.
Suno kay Marte, ginlikawan niya ang motor nga iya nasundan rason nga nakabunggo siya sa ginakuhaan sang carpass kag nagbaliskad ang iya salakyan.
Dugang pa sang natungdan, ipakaayo niya kun tani sa motorpool ang armored car.
