Patay ang isa ka pulis samtang pilason naman ang asawa kag anak sini sa aksidente sa Brgy. Pamutic, Pidigan, Abra.
Ang napatay nga biktima amo si P/Corporal Stephen Dao-ines nga nag-angkon sang dako nga pilas sa ulo.
Si Dao-ines ang assigned sa 2nd Abra Provincial Mobile Force Company.
Pilason naman ang asawa sini nga si P/Corporal Maricel Abalos nga assigned sa Bangued Municipal Police Station (MPS) kag ila nga anak.
Suno sa imbestigasyon, ginamaneho ni Dao-ines ang pickup truck apang nawad-an ini sang kontrol sa manibela matapos naglupok ang isa ka royda sa likod sang salakyan.
Nagdiretso ang truck sa puno sang kahoy kag bangud sa impact, nag-angkon sang patal nga pilas sa ulo ang napatay nga biktima.
