ILOILO CITY – Nagdangat na sa 696,492 ka mga pamilya ang nakabaton sang ayuda sa idalom sang Social Amelioration Program sang Department of Social Welfare and Development.
Suno kay Director Maria Evelyn Macapobre, Regional Director sang Department of Social Welfare and Development 6, sa 133 ka Local Government Unit sa Western Visayas may yara na sang 40 ang nakatapos sa pagpanagtag sang ayuda.
Kun pahat-pahaton, lima na ka Local Government Unit sang Guimaras ang nakatapos na panagtag sang ayuda, 14 sa Antique, 12 sa Capiz, anum sa Negros Occidental kag tatlo sa Aklan.
Samtang ginaduso man sang Department of Social Welfare and Development nga door to door nalang ang pagpanagtag sang ayuda bangud man sa padayon nga pagsaka sang kaso sang Coronavirus Disease 2019.
