Idul-ong na sa Kamara subong nga adlaw ang dugang nga ballot boxes nga nagaunod sang Certificates of Canvass (COCs) para sa May 9 elections.
Sa latest count, 90.17 percent ukon 156 out of the total 173 COCs ang nadul-ong na sa Senado sa Pasay City.
Ang COCs kag ang Election Returns (ERs) ang i-transfer sa Kamara sa Quezon City subong nga adlaw agud nga ma-canvass sang joint session sang Kongreso ang boto para sa presidente kag bise-presidente subong nga semana.
Maga-convene ang Kongreso bilang National Board of Canvassers (NBOC) agud mag-isip sang boto sa duha ka nasambit nga posisyon.
Sunod sini,iga-proklamar na ang presidente kag ang bise-presidente.
Matandaan nga ginpahayag ni House Speaker Lord Allan Velasco nga naka-schedule nga i-proclaim ang elected president and vice-president sa Mayo 27, Byernes nga adlaw.
Suno kay Velasco, magapadayon ang canvassing apisar nga may pending disqualification case batok kay presumptive President Ferdinand ‘Bongbong’ Marcos Jr. nga ginpasaka sa Supreme Court.
