ILOILO CITY- Nag-resign subong nga adlaw ang duha ka appointees ni Presidente Ferdinand Marcos Jr.
Ini amo sanday Press Secretary Trixie Cruz Angeles kag Commission on Audit Chairperson Jose Calida.
Lunsay medical reasons ang kabangdanan sang ila pag-resign.
Una na ginpahayag nga si Mike Toledo ang magabulos kay Cruz-Angeles sa amo nga posisyon
Matandaan man nga wala nagtambong ang anay Solicitor General nga si Calida sa plenary debates sa proposed 2023 budget sang Commission on Audit sang Septyembre.
Ginpahayag sang sponsor sang budget sang komisyon nga si Marikina Rep. Stella Quimbo nga naka- medical leave si Calida humalin pa sang Septyembre 1, 2022.
Antes ang ila pag-resign, nakit-an nga wala ang ila presensya sa oath-taking sang reappointed nga Cabinet members sa seremonya nga ginpangunahan ni Pres. Ferdinand R. Marcos Jr. nga ginpatigayon sa Malacañang subong nga adlaw.
Ang mga reappointed nga cabinet members amo sanday:
-Raphael Perpetuo Mercado Lotilla bilang Secretary of the Department of Energy
-Benjamin Estoista Diokno para sa Department of Finance
-Jose Rizalino Larion Acuzar para sa Department of Human Settlements and Urban Development
-Maria Susana Vasquez Ople para sa Department of Migrant Workers
-Arsenio Molina Balisacan para sa National Economic Development Authority
Gin-administer man ni Marcos ang pagsumpa nanday:
-Manuel Manligas Bonoan bilang Secretary sang Department of Public Works and Highways
-Renato Umali Solidum Jr. bilang Secretary sang Department of Science and Technology
-Erwin Teshiba Tulfo bilang Secretary sang Department of Social Welfare and Development
-Alfredo Espinosa Pascual bilang Secretary sang Department of Trade and Industry
-kag Jaime Jimenez Bautista bilang Secretary sang Department of Transportation.
Si newly-appointed Executive Secretary Lucas Bersamin ang nagsumpa man sa atubang sang Presidente.
