SOUTH KOREA – Ginkumpirma sang Department of Foreign Affairs ang duha ka mga Pilipino nga nagpositibo sa Coronavirus Disease 2019 sa South Korea.
Suno sa Department of Foreign Affairs, ang duha ka panibag-o nga kaso ang pamilya man sang ika-labing una nga Pilipino nga nagpositibo sa nasambit nga balatian sa South Korea.
Ini ang nakumpirma sang DFA matapos nga nagpositibo sa ika duha nga test humalin sang ginpaidalom sila sa quarantine.
Nahibaluan nga ang ika-labing una nga kaso sang Pilipino sa South Korea nga nagpositibo sa COVID-19 ang gikan sa Songdo-dong, Yeonsu-gu, Incheon.
May yara sang travel history sa Geneva, Switzerland sang Marso 7 tubtob 12 antes makitaan sang simptomas sang virus.
Nag abot sya sa South Korea sang Marso 16 kag nagpositibo sa COVID-19 sang Marso 20.
Sa pihak sini, nagpasalig ang Department of Foreign Affairs nga nakig-angot na ang Philippine Embassy sa South Korea sa Korean Centers for Disease Control and Prevention lakip man sa mga otoridad agud ma monitor ang mga Pilipino nga nagpositibo sa COVID-19 sa nasambit nga pungsod.
