Ginplastar liwat ni Presidente Rodrigo Duterte nga indi pag-i-give up sang Pilipinas ang sovereign rights sini sa West Philippine Sea, apang gin-athag man nga indi masarangan sang Pilipinas ang gyera batok sa China.
Sa pag-commission sang BRP Melchora Aquino (MRV 9702 ) sang Philippine Coast Guard, ginmensyonar ni Duterte ang away sang Ukraine kag Russia — sitwasyon nga amo suno sa iya ang rason kun ngaa ginapadayon sang Pilipinas ang negosasyon sa China.
Suno kay Duterte, maga-suprer gid ang mga Pinoy kun may matabo nga gyera sa tunga sang Pilipinas kag sa China bangud sa ginaagawan nga teritoryo sa West Philippine Sea.
Pat-od pahayag ni Duterte nga indi man magdaog ang Pilipinas.
Matandaan nga ginpadangat sang Philippine government ang isyu sa Permanent Court of Arbitration sa The Hague sang 2013.
Nagdesisyon ang korte pabor sa Pilipinas sang Hulyo 2016 sang ginbasura sini ang nine-dash claim sa ginakabig sang China nga South China Sea.
Ginpahayag man sang korte nga ang Panatag Shoal amo ang common fishing ground kag gindumilian ang China nga maghimo sang aggressive action batok sa mga manugpangisda sang Pilipinas sa amo nga lugar.
Wala naman ginkilala sang China ini nga desisyon.
