Ginhingyo ni Senator Christopher Bong Go si Presidente Rodrigo Duterte nga magpungko bilang iya nga legal consultant kun magpanaog na ini sa pwesto sa Hunyo 30.
Suno kay Go, ginbaton man ni Duterte ang amo nga tanyag nga trabaho, apang gin-athag pa sang senador nga wala pa sang pormal nga pagbaton bangud nga may iban pa ini nga options nga ginatun-an kun matapos na ang iya nga termino bilang presidente.
Isa lang ini sa mga options suno kay Go bangud indi pa subong mapaktan kun may mga mataas nga government position nga ihatag sa outgoing president.
Ginpahayag man sini nga ginapangita gid sang lawas ni Duterte nga magtrabaho kag luyag sini nga bantayan gihapon ang pungsod bilang isa ka private citizen.
Matandaan nga una naman nga nagpahayag si Executive Secretary Salvador Medialdea nga ginakonsiderar ni Duterte nga mangin manunudlo pagkatapos sang iya nga termino.
