Samtang nagahilapit na ang pagpanaog sa puwesto, nagpanawagan si outgoing President Rodrigo Duterte sa mga pumuluyo sa pungsod nga untatan na ang away sa pulitika kag ihatag ang suporta sa incoming administration sa idalom ni president-elect Bongbong Marcos.
Suno kay Duterte, tion na nga mareyalisar sang publiko nga may napilian na ang kadam-an nga mga Pilipino pag-abot sa bag-o nga mga lider sang pungsod.
Landslide win ang natabo sa 2022 national elections matapos nakakuha sang 31.6 million votes si Marcos samtang ang iya running mate naman nga anak sang presidente — si Davao City Mayor Sara Duterte-Carpio— ang nakakuha naman sang 32.2 million votes.
Subong nga natapos na ang proklamasyon kag ginahulat na lang ang inagurasyon, nagpangabay ang outgoing president sa kooperasyon kag suporta bangud ini suno sa iya ang kinahanglan ni Marcos sa pagpamuno sa pungsod sa masunod nga anum ka tuig.
Matandaan nga wala sang gin-endorso nga kandidato si Duterte sang nagligad nga presidential elections.
