Ginklaro ni President Ferdinand Marcos, Jr. nga wala sang plano ang Pilipinas nga maghatag sang dugang nga access sa Amerika sa military bases sa pungsod sa idalom sang Enhanced Defense Cooperation Agreement (EDCA).
Ini apisar nga ginalauman sang presidente ang expanded joint combat exercises kaupod sa US kag Japanese troops sa masunod nga mga binulan.
Ang ini nga agreement ang napirmahan sang 2014 kag nagapahanugot sa Amerika nga makasulod sa base militar sa Pilipinas para sa joint training, pre-positioning sang equipment kag building sang pasilidad kaangay sang runways, fuel storage kag military housing. Ang hugot nga ginadumilian amo ang permanent nga mga base miltar.
Siyam na subong ang EDCA sites diri sa Pilipinas. Tatlo sini nga sites — duha sa Cagayan kag isa sa Isabela — ang nagaatubang sa Taiwan nga ginakabig sang China nga ila nga teritoryo. Ini ang rason kun nagapangakig ang Beijing kag gin-akusahan ang Pilipinas kag US nga nagsulod sa agreement agud nga mapalibutan sang Amerika ang Taiwan.
Ginklaro man sang presidente nga ang paghatag sang access sa US military sa Philippine bases sa idalom sang EDCA ang wala nagatuyo nga garit-gariton ang China apang isa ka reaksyon sa agresibo nga mga akstwasyon sa West Philippine Sea.
