ILOILO CITY-Arestado ang isa ka empleyado sang gobyerno sa ginpatigayon nga buy bust operation sa Primitivo Ledesma Ward,Poblacion, Pototan, Iloilo.
Ang subject amo si alyas Tata, 43, residente sang Lumbo, Pototan, Iloilo kag nagatrabaho bilang casual driver sa isa ka ahensya sang gobyerno sa Capiz.
Sa interview sang Bombo Radyo kay Police Major Jose Rey Pabalan, Officer in Charge sang Pototan Municipal Police Station, iya ginpahayag nga duha ka semana nga ginmonitor ang subject antes natigayon ang operasyon.
Suno kay Pabalan, sa Pototan gid ang kadamuan sang transaksyon sang subject nga ginakabig nga street level individual.
Narekober kay alyas Tata ang ginabanta 30 gramos sang iligal nga druga nga may market value nga kapin sa P102,000.
Preso na ini sa Pototan Municipal Police Station.
