ILOILO – Nagluntad ang isa ka encounter sa tunga sang 61st Infantry Batallion sang Philippine Army kag grupo sang New People’s Army sa Sitio Maguey, Igtuble Tubungan Iloilo kahapon nga gab i.
Sa interview sang Bombo Radyo kay Lt. Col. Joel Benedict Batara, commander sang 61st Infantry Battalion sang Philippine Army iya ginpahayag nga ang mga grupo sang rebelde ang ginpangunahan ni Monsino Tacaisan ang Vice Commander sag Sibat Platoon.
Suno kay Batara, ginabanta yara sa 10 ka mga armado nga mga rebelde ang ginpamunuan ni Tacaisan nga naka enkwentro sang mga sundalo.
Dugang sang natungdan, paagi sa impormasyon nga ginhatag mga napuhag nga pumuluyo bangud sa presensya sang nasambit nga mga persona.
Wala naman sang nasamaran sa bahin sang militar kag indi pa nila ma pat-ud kun may napilasan man sa pihak nga bahin bangud madulom pa sang natabo ang engkwentro.
