Naglawig sa masobra lima ka oras ang engkwentro nga nagluntad sa tunga sang mga rebelde nga grupo kag katapo sang Philippine Army sa boundary sang Barangay Artuz, Barangay Agpalali kag Barangay Tabon, Tapaz, Capiz.
Sa interview sang Bombo Radyo Roxas kay Col. Erwin Rommel Lamzon, Chief sang Public Affairs Office sang 3rd Infantry Division, iya ginpahayag nga nagluntad ang amo nga engkwentro pasado alas-2:00 sang kaagahon subong nga adlaw.
Suno kay Lamzon, ginpangunahan sang 301st Brigade, 12th Infantry Battalion, 61st IB, 82nd IB, kaupod ang intelligence units, artillery, armor kag pila ka elemento sang Philippine Air Force ang na-engkwentro sang mga dismantled nga miyembro sang Regional Sentro de Gravedad (RSDG) kag Central Front sang Komiteng Rehiyon-Panay.
Sa subong, ginahulat pa ang opisyal nga progress report kung pila diri ang casualties sa bahin sang rebelde nga grupo.
By: 𝑩𝒐𝒎𝒃𝒐 𝑯𝒂𝒏𝒏𝒂 𝑨𝒏𝒅𝒂𝒔𝒂
