ILOILO CITY- Anom ka mga gunshot wounds ang naangkon ni Chrysler Floyd Fernandez, isa sa tatlo ka mga biktima sa Estancia massacre.
Base sa resulta sang autopsy, yari ang mga igo ni Fernandez:right anterior chest;left costal border of the chest downward; left posterior axillary area; left deltoid area; middle third of the left thigh; left popliteal area.
Matandaan nga una na naggwa ang autopsy result sa bangkay ni John Paul “JP” Mark Bosque sang Lopez Jaena Sur, La Paz, Iloilo City kun sa diin tatlo ang mga igo sini nga nagalakip sang isa sa anterior chest ukon atubang nga dughan nga naglapus sa wala nga butkon; isa sa tuo nga guya lapus sa wala nga liog; kag isa sa tuo nga parte sang likod lapus sa wala nga dughan.
Sa isa pa ka biktima nga si Mark Clarenz Libao sang Tacas, Jaro, Iloilo City,tatlo man ka gunshot wounds ang naangkon sini—isa sa too nga dulunggan, isa sa too nga guya, kag isa sa too nga middle arm.
Sa interview sang Bombo Radyo kay PSMSGT Francisco Lindero Jr., spokesperson sang Iloilo Police Provincial Office kag nagaserbe man nga spokesperson sang Special Investigation task Group nga nagatutok sa Estancia massacre, iya ginpahayag nga sa naangkon nga mga igo ni Fernandez, isa diri ang through and through nga amo ang igo niya sa paa kun sa diin sa atubang ang entrance sang bala kag sa likod ang exit.
Samtang, suno kay Lindero, may yara man sang mga abrasions kag contusions sa lawas sang mga biktima partikular kanday Bosque kag Libao kag posible suno sa iya nga tuga ini sang pagbutong sang mga responders sa mga biktima pagwa sa salakyan ukon resulta man sang pagkabunggo sa salakyan sang ini ang nagtakilid.
Ginpahayag naman niya nga base sa mga ebidensya, sa sulod sang salakyan lang natabo ang pagpatay sa mga biktima.
