Dako gid ang posibilidad suno sa House prosecutors nga madamo ang magatuhaw nga fake news kag political attacks sa paalabuton nga impeachment trial sa lunes batok kay Vice President Sara Duterte.
Base sa nangin pahayag ni House prosecutor Rep. Joel Chua, possible gid ini nga matabo agud magkadto diri ang atensyon sang publiko kag indi matutukan ang impeachment.
Apang suno man sa iya, masarangan gid nila nga punggan ang kaangay sini nga insidente, ilabi na nga may ara sila sang ginapanghawiran nga mga ebidensya batok kay Duterte.
Dugang pa ni Chua, importante man nga indi sila magpatimtar sa paglapta sang mga fake news agud maubra man nila ang ila nga mangin responsibilidad bilang house prosecutors sa sulod sang trial.
