Arestado ang isa ka family driver matapos nakuhaan sang ginapasuni shabu nga nagabalor sang P54,000 kadungan sang drug buy bust sa Barangay Guzman-Jesena, Mandurriao, Iloilo City.
Ang nadakpan amo si alias Dennis, 37-anyos, residente sang Zarraga, Iloilo, kag ginakabig nga street level individual.
Sa interview sang Bombo Radyo kay Police Captain Jobert Amado, hepe sang Iloilo Police Station 5, iya ginpahayag nga masobra isa ka semana ang ila pag-monitor antes nabaklan sang isa ka sachet sang suspected shabu ang subject.
Nakuhaan ini sang duha pa ka dugang nga sachets nga nagabug-at sang otso gramos.
Suno kay Amado, posible nga kun madul-ong na ni alias Dennis ang iya amo, naga-ulayhon ini sa pagbaligya sang iligal nga droga sa areas sa syudad.
Magluwas nga nagabaligya suno sa pulis, nagagamit man sang iligal nga droga ang subject.
Ginapahayag nga nagakuha sang suplay sa Pototan ang arestado.
Mangatubang ini sang panumbungon nga paglapas sa Republic Act 9165 ukon Comprehensive Dangerous Drugs Act of 2002.
