Ginkumpirma ni Philippine Coast Guard (PCG) Spokesperson Rear Admiral Armand Balilo nga na-hack na naman ang official Facebook page sang PCG, Marso 29.
As of 11 p.m., apat na ka videos ang na-share sa page sang amo nga ahensya kun sa diin nalakip ang violent content.
Sa statement sang talatapan, ginsiling nga may “unknown entity” nga naka-access sa ila nga Facebook page sang 12:30 sang hapon sang Byernes Santo.
Nagapakig-angot na ang PCG sa Cybercrime Investigation and Coordinating Center (CICC) sa idalom sang Department of Information and Communications Technology (DICT) agud malantaw ang amo nga security breach.
Ini na ang ikaduha nga tion nga na-hack ang Facebook page sang PCG subong nga tuig.
Una ini nga natabo sang Pebrero samtang nga nagapatigayon ang Coast Guard Public Affairs (CGPAS) sang strategic communication plan workshop.
Sang amo nga tion, nag-post man ang hackers sang malisyoso nga short videos sa PCG Facebook page kaangay man sa gin-post subong nga Semana Santa.
Magluwas sa PCG, may iban pa nga ahensya sang gobyerno nga na-hack man sang Pebrero — isa ka cyberattack nga na-trace kag naangot anay sa telecom company nga naka-base sa China.#
