Nagapadayon ang duha ka separado nga imbestigasyon kasunod sang stampede nga natabo sa Astroworld music festival sang rap star nga si Travis Scott sa Houston, Texas nga ginkamatay sang walo ka mga tawo.
Isa diri ang criminal investigation nga ginbuksan sang homicide and narcotics detectives matapos ang report nga may yara sang tawo sa audience nga nag-inject sang drugs sa iban nga mga fans.
Ginpaidalom na sa autopsies ang bangkay sang mga biktima.
Mga lamharon pa ang napatay sa amo nga stampede: 14 anyos, 16 anyos, duha ka 21 anyos, duha ka 23 anyos, 27 anyos, kag gina-identify pa ang ika-walo nga biktima.
Napatay ang mga ini malapit sa stage sang nagdinaguso ang mga tawo; ang iban ang nag-suprer sang cardiac arrests kag medical trauma.
Ginabanta 50,000 ka mga fans ang nagtambong sa amo nga rap festival.
Ginkanselar na ang nabilin nga duha ka adlaw sang festival bangud sang natabo nga disaster. ##
