ILOILO CITY – Palaligban pa para sa mga fish vendors sa merkado sang La Paz kun sa diin sila mahimo makabaligya kun umpisahan na ang rehabilitation sa La Paz Public Market.
Ginapahayag 70 ka ang aktibo nga manugbaligya sang isda sa amo nga merkado.
Sa interview sang Bombo Radyo kay Frank Balquin, presidente sang mga fish vendors sa La Paz Market, iya ginpahayag nga sa iya inisyal nga impormasyon, sa dalan Rizal sila iplastar kag butangan sang pwesto.
Apang ang ginakahangaw-an ni Balquin amo nga indi sila mag-igu sa lugar bangud magutok man ang area.
Nagahulat pa ang natungdan sang pinal nga desisyon bangud nagakahangawa man siya nga sila ang mabasulang kun indi masunod ang COVID-19 protocols.
