Puno sang apresasyon kag kalipay ang “Wonder Woman” kag “Snow White” star nga si Gal Gadot matapos nabakaton sang star sa Hollywood Walk of Fame apisar pa nga madamo ang nagprotesta sa amo nga seremonya.
Ginpakigbahin sini ang mga laragway sa induction ceremony sa iya Instagram page nga suno sa iya indi niya malaragway ilabi na bangud nakabutang ang iya pangalan sa lugar nga ginapalibutan sang legends nga nag-inspire sa iya.
“There are moments in life that feel almost too big to put into words—this is one of them. To see my name on the Hollywood Walk of Fame, surrounded by legends who have inspired me, is beyond anything I ever imagined,” pahayag sini.
Gindugang sini nga ang Walk of Fame star ang nagarepresentar sang tinuig nga paghimakas, pagpalangga sa trabaho, kag wala-punaw nga pagpati sang mga tawo nga amo ang nagtib-ong sa iya.
Kaupod ni Gal sa event ang iya apat ka kabataan nga babaye edad 1, 3, 8, kag 13-anyos, kag iya bana nga si Jaron Varsano.
Nagpasalamat man ang aktres sa iya “Wonder Woman” director nga si Patty Jenkins kag sa iya “Fast & Furious” co-star nga si Vin Diesel nga nagkadto gid agud magsuporta sa iya.
“My deepest gratitude to Patty Jenkins and [@vindiesel] — having you both by my side for this moment made it even more special. Your friendship, support, and the way you believe in me mean more than I can ever express. And to all of you who have supported me through this journey—this star is for you, too,” dugang sini sa post.
Ang okasyon nga gintambungan sang aktres ang ginkadtuan man sang anti-Israeli kag pro-Palestinian protesters nga ginpatung-an naman sang mga pulis. Ini bangud kilala ang 39-anyos nga Israeli actress nga nagasuporta sa pagpang-atake sang Israel sa Hamas sa Gaza.
Sa induction ceremony, nahinambit sang aktres ang iya ginhalinan: “I’m just a girl from a town in Israel, this star will remind me that with hard work and passion and some faith, anything is possible.”
Sa subong, isa sa proyekto ni Gal amo ang iya papel bilang evil queen sa Rachel Zegler-starrer nga “Snow White.”
Ang iya star amo ang ika-2,804 nga ginbutang sa Walk of Fame.
