Ginalauman nga maga-umpisa na ang Gilas Pilipinas sa pag-practice sa Lunes para sa FIBA World Cup 2027 Asian Qualifiers.
Ginahulat pa subong ni Coach Tim Cone ang pag-abot sang pila ka players sang national team halin sa South Korea kag sa Japan.
Duha ka home games ang balantayan nga amo ang hampang batok sa New Zealand sa Pebrero 26, kag ang hampang batok sa Australia sa Marso 1.
Una nga magatingob ang team sa una nga practice sessions sa Pasig City antes magsaylo sa Inspire Sports Academy sa Calamba, Laguna para sa training camp.
Lakip sa ginahulat subong amo ang Asian reinforcements nga sanday Carl Tamayo kag Kevin Quiambao halin sa Korean Basketball League kag Dwight Ramos, AJ Edu kag Quentin Millora-Brown halin naman sa Japan B.League.
50-50 naman ang status ni Kai Sotto nga bag-o lang gid nakabalik sa paghampang sa luwas sang pungsod matapos ang ginsuprer nga knee injury.
Pangunahan sang three-time PBA Best Import nga si Justin Brownlee ang Pilipinas sa duha ka natalana nga home games.
