CONCEPCION, ILOILO – Gina-usisa na sang Concepcion PNP ang ginapahayag pagsulod sang mga indi kilala nga tawo sa isa ka balay kag pagkawat sang malapit sa tunga sa milyon ka pesos nga kwarta sa Brgy. Malangabang, Concepcion, Iloilo.
Sa exclusive interview sang Bombo Radyo kay Police Major Jonah Galicha, hepe sang Concepcion Municipal Police Station, iya ginpahayag nga ang nasambit nga insidente ang natabo sa isa ka island barangay.
Ginpahayag man ni Galicha nga ulihi na ang pagpalab-ot sa ila sang impormasyon tuhoy sa natabo nga insidente.
Santo sa blotter report sang mga tagreklamo, ang bag nga ginkuha sang mga suspek ang may unod nga P400,000.
Wala naman sang may nahimo ang mga ragreklamo bangud nga armado ang mga suspek.
Santo sa pagpangusisa sang imbestigador sa lugar, wala sang may namutikan ang mga pumuluyo nga may yara sang presensya sang armado nga grupo sa lugar sang natabo ang insidente.
