Naghinugyaw kag naghilibion pa ang mga human rights advocates kag LGBTIQA+ (lesbian, gay, bisexual, transgender, intersex, queer/questioning, asexual) couples matapos nga ginpasar na sang Greek parliament ang layi nga nagahimo sang same-sex marriage nga legal sa Greece.
Ini ang labing-una sa southeastern Europe kag labing-una man nga Orthodox Christian country nga naka-establisar sang marriage equality para sa tanan.
Ini nga desisyon ang suportado sang 176 sa 300 ka mga mamalidha sa parliament kun sa diin 76 naman ang nagpamatok, duha ang nag-abstain, kag 46 ang absent.
Mangin si Prime Minister Kyriakos Mitsotakis ang nag-abi-abi sa amo nga development kag gintawag ini nga “milestone” para sa kinamatarong sang mga tawo kag isa ka pagpakita sang paminatasan sa Greece nga isa ka progresibo kag demokratiko nga pungsod sa Europa.
Matandaan nga gin-introduce man sa Greece ang civil partnerships halos isa ka dekada na ang nagligad sa idalom sang left-wing Syriza government, apang sa idalom sini, ang biological parents lamang sang kabataan sa amo nga relationships amo ang mahimo kilalahon nga legal guardians.
Sa subong, sa idalom sa bag-o nga layi, mangin ang same-sex parents ang mahimo man makilala nga legal nga ginikanan sang ila kabataan.
Nahibaluan nga sandig sa pinakaulihi nga opinion polls, natunga ang Greeks sa isyu sa same-sex marriage. Ang pinakamatunog nga nagapamatok diri amo ang gamhanan nga Orthodox Church nga nagapati nga isa ka sala ang homosexuality.#
(Photo: Reuters)
