Si Matthew — nga nagatiglawas sang CALABARZON kag hinablos sang una nga Filipino Olympic champion nga si Hidilyn Diaz — amo ang nagpangibabaw sa 48kg division sang Secondary Boys matapos nahakwat ang 73kg sa snatch kag 93kg sa clean and jerk.
Kaangay sa iya tiya, luyag man ni Matthew nga maka-representar sang Pilipinas sa Olympic stage.
“Halos po lahat ng ka-pamilya ko nasa weightlifting kaya sinunod ko po ‘yung hilig nila at gusto ko rin po maglaro sa Olympics parang siya (Hidilyn Diaz). Na-inspire niya po ako, gusto ko na rin po na maging Olympian po,” pahayag sini matapos ang kadalag-an sa Palaro. “Gusto ko rin po ma-achieve. Pinu-push ko po ‘yug sarili ko para makarating po ako sa rank na ‘yun sa Olympics.”
Gin-reintroduce ang weightlifting bilang demonstration sport subong nga tuig, gani ang medals nga nadag-an sini nga kategorya ang indi pa mahimo malakip sa overall medal tally.
Nahibaluan nga si Hidilyn nga kampyon sa weightlifting sa Olympiada sadtong 2021 sa Japan amo man ang nagaserbe nga tournament director sa weightlifting sa sini nga 2025 sa Laoag, Ilocos Norte. Sa opening ceremony, siya man ang nagpanguna sa oathtaking sang technical officials kag coaches.#
