Bastante nga pag-inom sang tubig kada adlaw, paglikaw sa softdrinks kag instant nga mga pagkaon, kag paglikaw man sa mataas nga sugar content.
Ini ang panugyan ni Dr. Diosemil L. Guzman, Pediatric Nephrologists, sa mga ginikanan agud nga malikawan nga maapektuhan ang kidney sang mga kabataan.
Sa interview sang Bombo Radyo kay Dr. Guzman, iya ginpahayag nga katungdanan sang kidney ang mag-sala kag mag-tinlo, gani nagadugang sa iya nga trabaho kun madamo ang ginakaon sang bata nga lunsay indi maayo sa lawas.
Kun matam-an kag kun may yara na sang balatian ang lawas, dako ang posibilidad suno sa doctor nga maapektuhan ang kidney sang bata.
May yara sang hereditary, may congenital ukon inborn nga problema sa kidney apang kadam-an subong pahayag ni Dr. Guzman, secondary na lang ini sa lifestyle diseases.
