Ginpakita ni Pope Francis ang pagkamapa-inubuson paagi sa paghugas kag paghalok sa tiil sang 12 ka mga preso sa isa ka juvenile facility sa Roma.
Ini nga Casal del Marmo facility amo man ang juvenile prison nga ginkadtuan ni Pope Francis sang una sini nga ginhimo ang feet-washing ritual bilang isa na ka Santo Papa.
Kaangay man ini sa ginpakita ni Hesukristo sa iya mga apostoles sang gab-i antes ang iya nga kamatayon.
Subong nga Byernes Santo natalana nga magpanguna si Pope Francis sa duha ka Good Friday services kadungan sang adlaw nga ginadumdom sang mga Kristyano ang paglansang kay Hesus sa Krus.
Pangunahan man sini ang Easter vigil Mass sa Sabado sang gab-i kag ang “Urbi et Orbi” (ukon ang “To the City and the World”) blessing kag message sa St. Peter’s Square sa Easter Sunday.
