ILOILO CITY- Natulugan sa ibabaw sang aircon sang isa ka beauty salon kag nasal-an pa nga kawatan ang isa ka hubog sa San Pedro, Molo, Iloilo City.
Ang lalaki ginkilala nga si Eden Pineda, 35 anyos sang South Baluarte, Molo, Iloilo.
Sa interview sang Bombo Radyo kay Pineda, wala siya sang ihibalo kun paano siya nakalab-ot sa amo nga lugar apang suno sa iya, nagtaklas siya sa aircon nga nagataas sang kapin 10 ka tapak agud didto magtulog.
Ginpanginwala naman niya nga may plano siya nga kawatan ang salon bangud suno sa iya,nagbag-o na ini.
Gindala ini sa police station sa Molo kag ginsugat nalang sang iya utod agud makapauli.
