ILOILO CITY-Ang mga kalo, magluwas nga fashionable, functional man ang mga ini ilabi na batok sa UV rays sang adlaw kon summer.
Apang may nagapamangkot man kon malain bala sa imo hair health ang pagsuksok sini?
Ang kalo may yara sang maayo nga dulot sa imo buhok.
Sa tion sang matugnaw nga panahon, ini ang naga- protect sang imo buhok kag scalp gikan sa mga elements.
Ini ang beneficial kon magagwa ikaw nga basa ang buhok nga mahimo maggabok kag mangin prone sa breakage kon magcontact sa tugnaw.
Sa mainit naman nga panahon, importante nga protektahan ang buhok kag scalp gilan sa UV rays, bangud ginapamala sang adlaw ang buhok kag nagatuga sang paglasyaw sang duag sang buhok.
Suno naman sa National Health Service, ang masami nga pagsuksok sang kalo kag malawig nga tion ang wala nagapadasig sang
hair loss.
Apang ang tuman ka hugot nga kalo ang mahimo mag-trap sang oil sang imo hair roots gani ini ang nagapamala sang punta sang buhok.
Kon ang buhok mangin greasy, ang circulation sang oxygen sa imo follicles ang mahimo ma-obstruct sang higko kag mag- build up ang bacteria kag nagaresulta sa pagkataktak sang buhok.
Gani panugyan sang eksperto, magpili sang kalo nga sakto lang nga makaginhawa man ang imo buhok kag scalp.
