Isa ka man bala sa nalingaw sa tanom nga ginatawag nga ‘touch me not’ ukon makahiya plant?
Nahibaluan nga ang nasambit nga tanom ang isa sa mga naghatag sang amazement sa aton sang lamharon pa lamang.
Ini bangud makalilingaw ang pagkipot kag pagduko sang tanom kun tandugon ini rason man kun ngaa ginpangalanan ini nga ‘huya-huya’ bangud sa mahuluy-on nga characteristic.
Apang ang Mimosa Pudica ukon ang Makahiya ang natukiban sa mga pagtuon kag pila ka medical experts nga madamo ini sang mahatag nga mabaskog nga benepisyo sa ikaayong lawas.
Suno kay Stephanie Nicole Nera, Doctor of Pharmacy, ang juice sang Makahiya plant ang ginagamit agud bulngon ang mga masunod nga health issues:
- High blood pressure;
- Insomnia;
- Hemorroids;
- Diabetes; kag
- Asthma
Pahayag ni Nera, ini bangud manggaranon ang makahiya sa anti-stress properties, antioxidant, amino acids, tannins, flavonoids, alkaloids kag iban pa nga anti-inflammatory properties.
Ginakabig man ang makahiya bilang antibacterial, analgesic, antidepressant, antispasmodic, kag diuretic.
Magluwas sa mga nasambit nga balatian suno sa doktor, makabulig man ang juice halin sa mga dahon sang makahiya sa pagbulong sang excessive menstrual bleeding.
