Ginklaro ni Pope Leo XIV nga wala siya nahadlok kay US President Donald Trump apisar nga ginaatake siya sini subong bangud sa iya panindugan sa gyera sa Middle East.
Ang pahayag ni Pope Leo ang kasunod sang malawig nga post ni Trump nga nagasiling nga indi siya fan sang Santo Papa.
Ginsiling man sini ang Pope nga “weak on crime” kag “terrible for foreign policy”.
Suno kay Trump, indi sini gusto ang isa ka Santo Papa nga nagapinsar nga okay lang nga makaangkon sang nuclear program ang Iran.
Ginpahayag ini ni Trump matapos ang prayer vigil for peace nga ginpangunahan sang Santo Papa sang weekend.
Suno naman kay Pope Leo nga amo ang labing-una nga Santo Papa halin sa Estados Unidos sang Amerika, indi siya makig-debate kay Trump.
Nagsiling ang Santo Papa nga wala siya sang tuyo nga atakehon ang iban paagi sa iya ginapanghambal. Suno sa iya, indi siya pulitiko kag ang iya ginahimo amo ang pagtib-ong sang kalinong kag pagpinatawaray agud malikawan ang gyera.
“I have no fear of the Trump administration,” suno sa Santo Papa.
“We are not politicians,” dugang sini. “We don’t deal with foreign policy with the same perspective he might understand it, but I do believe in the message of the gospel, as a peacemaker… I don’t want to get into a debate with him… I don’t think that the message of the Gospel is meant to be abused in the way that some people are doing”.#
