Hayag-hayagan nga ginpakita ni anay US Donald Trump ang iya kaugot sa American pop superstar nga si Taylor Swift.
Gin-post sang former president ang mga tinaga nga “I HATE TAYLOR SWIFT!”, all caps, sa iya Truth Social platform kag wala na sang gindugang nga komentaryo ukon anuman nga paathag.
Klaro ang context para sa kadam-an sa Amerika ilabi na bangud sinemana na lang ang gina-isip antes ang presidential elections.
Matandaan nga pagkatapos sang debate nanday Trump kag Democrat nga si Vice President Kamala Harris sang nagligad nga semana, nag-post ang superstar singer/songwriter sa Instagram nga magaboto siya kay Harris bangud isa ini ka “steady-handed, gifted leader.”
Pagkatapos sang amo nga post, nakasabat si Trump sa interview sang Fox News nga indi man siya fan sang amo nga singer/
Inadlaw matapos sini, nagsugod na ang Trump campaign sa pagbaligya sang shirts nga “Trump Era Shirt” nga daw kaangay nga gin-ilog ang poster sa billion-dollar grossing “Eras” tour ni Taylor.
Indi ini ang una nga bes nga may ginsabat si Trump nga celebrity apang ang direkta sini nga atake kay Taylor ang makabig nga dramatic subplot sa election season.
Nahibaluan nga ang endorsement ni Swift kay Harris iya most high-profile political statement nga nahimo bilang isa ka popular nga singer.
