Sa labing-una nga tion halin sang nag-ibwal ang giyera sa tunga sang Israel kag Hamas, nagpahayag si US President Joe Biden nga nagapati siya nga kinahanglan ang “pause” ukon pag-untat anay sang away.
Ginsaad ini sang presidente sang may isa ka protester nga nag-interrupt sa iya nga campaign speech sa Minneapolis agud ipanawagan ang ceasefire sa Middle East.
[Leah Millis/Reuters]
Sang ginpamangkot kun ano ang iya buot silingon sa “pause”, ginpahayag ni Biden nga kinahanglan nga may ihatag nga tion agud mapaguwa ang prisoners ukon posible ang mga bihag nga gindala sang Hamas sa Gaza ukon ang mga American citizens nga yara pa sa amo nga Strip.
Ini nga pahayag ni Biden ang baliskad sa nauna nga panindugan sang White House nga una na nagsiling nga indi sini pagdiktahan ang Israel kun paano sini ginapatigayon ang ila nga military operations.
Sang Byernes, matandaan nga ang Estados Unidos lamang ang isahanon sa 14 ka mga pungsod sa United Nations ang nagboto sang “No” sa resolution sa General Assembly kun sa diin ginapanawagan ang “ceasefire”. #
