Ginapaabot ni Mayor Jerry Treñas nga subong nga Myerkules ukon bwas, Mayo 20, idagdag sang National Inter-Agency Task Force (NIATF) ang desisyon may kaangtanan sa hingyo sang Iloilo City Government nga ipasaka sa Modified Enhanced Community Quarantine (MECQ) ang quarantine classification sang syudad.
Sa interview sang Bombo Radyo kay Treñas, iya ginpahayag nga naendorso na sa NIATF ang iya nga hingyo sa 15 ka adlaw nga MECQ.
Nagdepensa naman ang alkalde sa temprano nga pagpagwa sang executive order bisan wala pa ang approval halin sa NIATF.
Suno kay Treñas, mas mahibaluan sang mga tawo ang ila ulubrahon kag mas masaulo nila kun ano nga mga establisemento ang mahimo kag indi mahimo makaoperate.
