ILOILO – Nagapadayon sa ika-apat nga adllaw ang Iloilo City Schools Sports Council Meet 2019 nga ginapatigayon sa syudad sang Iloilo.
Sa interview sang Bombo Radyo kay Raquel Tomulto, miyembro sang Records/Statistics and Evaluation sang Iloilo City Schools Sports Council Meet 2019, iya ginpahayag may yara na sang official kag final result para sa Arnis kun sa diin sa Elementary Arnis Boys nagapanguna ang Quintin Salas Elementary School nga nakakuha sang gold, sa Elementary Girls nakakuha sang gold ang Jalandoni Memorial Elementary School.
Sa Arnis Secondary Girls, nagapanguna naman ang Jalandoni Memorial National High School.
Suno kay Tomulto, ginahulat pa nila ang iban nga resulta bangud nga nagapadayon pa ang iban nga hampang.
Nahibaluan nga nagbukas ang Iloilo City Schools Council Meet 2019 sang Lunes, Oktubre 7 kag magalawig tubtob sa Sabado, Oktubre 12.
