ILOILO CITY – Ginapadasig na sang Sangguniang Panlunsod ang paghatag sang kompensasyon sa mga residente nga apektado sang oil spill bangud sa paglupok sang power barge sang AC Energy.
Sa exclusive interview sang Bombo Radyo kay Iloilo City Councilor Ely Estante, chairman sang Committee on Agriculture, Fisheries, Aquatic and Natural Resources sa konseho, iya ginpahayag nga nagadangat sa 326 ka mga pamilya ukon 1,240 ka mga indibidwal nga nagatinir sa lima ka mga evacuation centers ang nagakadapat nga hatagan sang kompensasyon
Suno kay Estante, dako ang nangin epekto sa palangabuhian sang mga residente sa diin nagakinahanglan sila sang bulig pinansyal.
Magluwas sini suno sa konsehal, nagakadapat man nga hatagan sang atensyon ang pagpa medical sang mga residente.
Magakonsulta naman si Estante sa eksperto agud masolusyunan ang dako nga problema nga natuga sang oil spill kag kun paano ma compute ang kompensasyon.
