Iloilo City Council, usisaon ang financial status sang LEEO nga amo ang nagadumala sang mga merkado kag ihawan sa syudad

ILOILO CITY–Ginapausisa sa Iloilo City Council ang pondo sang Local Economic Enterprise Office (LEEO).
Sa interview sang Bombo Radyo kay Iloilo City Councilor R Leone Geroche, Chairman sang Public Services sa konseho, iya ginpahayag nga luyag nila mahibalu-an kun bala nagakaigo ang paggasto sang LEEO sa pondo.
Luyag man sang konsehal nga mahatagan sang kasanagan ang matuod nga financial status sang mga merkado kag ihawan sa syudad.
Gin-athag man ni Geroche nga wala ang city council nagapamasol ukon nagapang-ipit sa mga tawo sa LEEO apang luyag lang nila sang kaathagan.
Nahibaluan nga yara sa poorest state ang mga merkado kag slaughterhouse sa syudad sa diin ang LEEO ang nagadumala.