ILOILO – Indi hurisdiksyon sang Iloilo Provincial Government ang mga vendors nga nagabaligya sa guwa sang Iloilo Provincial Capitol.
Sa interview sang Bombo Radyo kay Iloilo Governor Arthur Defensor Jr., iya ginpahayag nga indi na sakop pa sang provincial government ang lugar nga ginabaligyaan sang mga vendor apisar nga yara ini malapit sa kapitolyo.
Suno kay Defensor, maga coordinate siya sa Iloilo City Government agud hibaluon kun ano ang maayo nga tikang para mga manugbaligya.
Dugang pa sang gobernador, ginadumilian man ang pagbaligya sa sulod sang Capitol Grounds.
Nahibaluan nga madamo sang mga vendors ang nagaplastar sa guwa sang kapitolyo bangud madamo nga tawo ang nagabisita sa madinuagon nga Christmas Lights sang Iloilo Provincial Capitol.
